يسعـــد صبـــاحكن/مساؤكــن..
جايبه لكم موضوع اليوم>>>لاطشـتــه من أحداهم ... أتمنى يكون جديد عليكم.. و ينال إعجابكم>>>اخلصي علينــا..
كان فيه مجموعة من الإبل ومن هذي الابل حاشي مراهق ممشوق القوام ابيض اللون كثيف الشعر على الرقبه
والحلق والرأس وذروة السنام
يمشي متبخترا بجماله ( ولا رامي عياش ) كل همه يتندح بين هالنياق الصغار خاصه ( البكار ) ..
مرت الايام وهو على عالحال همه اكل وشرب وغزل في هالنياق .. يوم جا ذاك اليوم على عادته إلا هالناقه واردة الماء وتبي تشرب وما قدرت..
قال هذي فرصتك يابو الشباب..وقام وفتح لها حنفيه الوايت كلها وقال لها.. اشربي العن ابو الفقر لاتروحين للدحل و أنتي عطشانه..
شربت الين رويت ومسحت شفايفها بمنديل عشان مايتخربط الروج
وقالت الله يعطيك 1000 عافيه
كنت بموت من العطش لما نزلت من الدحل !! وعلى هالخف الكعب يزحلق . ..
قال الحاشي :
علشانك تحملت الصعايب *** اذوق المر لأجل رضاك حالي
- ابتسمت الناقه وصكته بذيك النضرة اللي بغت تجيب اجله .
- تنهد وقال :
الله اكير كيف يجرحن العيون ** كيف مايبري صويب العين ابد
احسب ان الرمش لا سلهم حنون ** واثر رمش العين ماياوي لأحد
يوم روح لي نظر عينه بهون ** فزله قلبي وصفق وارتعد
- ضحكت الناقه ودرت انها لعبت في قلبه .. عطته وراها ومشت على هونها وهي تومي بذيلها ..
يمنه ويسرة يمنه ويسرة ..
وقلبه يروح يمين ويسار .
- قال : آه .
وانعطف هاك الشعر فوق المتون ** وانثنى عودة وقفى وابتعد .
طال الليل على خوينا الحاشي متى يجي الصبح ؟؟
.. كل شوي يطالع في ساعته ماصدق انه يسمع الراعي يأذن .. طمر من محله وراح يدور عن الشبك وهو يطقطق خفوقه ..
ويروح ويجي الين جا النور وجا الراعي وفتح لهم .. ماصدق خبر وراح لم الوايت يحتريها تشرب إلا جا الراعي .
قال الراعي :
خير ان شالله..؟؟ وش جايبك انت وخشمك كل هذا عطشان ؟؟
قال الحاشي : هاه لا ابد مافيه شي بس طاح الكبك امس هنا وجيت ادور عليه .
قال الراعي : اقووووول بلا استهبال كبك وانت عليك ثوب ساده وبعد ماغيرته من يوم ماجابتك امك .
يالله ضف وجهك مع البعارين لا احطك على صحن العيد .
لقط خوينا وجهه وراح .
قال الحاشي : زين انها ماسمعت كلام الراعي لو سمعت كان ماتعطيني وجهه .
المهم وهو يكلم نفسه إلا هذي رفيقته قابلته وجه بوجه شهق>>>وووووووووه
وقال : كفاني عذاب الله يجازيك بأفعالك ** جرحت الضمير ولا طرالك تداويني
- ضحكت الناقه ذيك الضحكه اللي شغلت قلبه ( جوال ماهو قلب ) وقالت :
ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لاشك ماطاع ** ماطاع يدله والليالي تلوعه
أثر المولع دمعته تجرح القاع ** واللي ذكر مافات هلت دموعه
ايييييييييييييييه .. الحين تأكد الحاشي انها تبادله نفس الشعور .. ارتاح خاطره واسفهل وماعاد خذته الدنيا ..
مرت الايام وكبروا وكبر حبهم معهم وفي يوم من الايام وهم قاعدين على الطعس إلا ذيك الناقه العفرا .. طير عيونه رفيقنا مشبه عليها..
مهوب قصده شي انتبهت له الناقه خويته قالت : خلها تنفعك الله يمليك بركتها . وقال : وقفي اشرحلك الموضوع .. التفتت عليه وقالت :
مدام قلبي لك شفوق وميلاف ** وراك ياخلي قليل المروفه
قلي عسا مابه على الخاطر خلاف** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
خذ الدموع بحاجر العين وقاف ** لا انت بماسكها ولاهي ذروفه
- تندم ابو الشباب وقال :
لك حق تزعل ثم لك حق نرضيك ** مااقوى زعل حبيب قلبي وعيني
مادام قلبي يا اريش العين مغليك ** اطلب ولك روحي وما في يديني
يوم الله احسن صورتك خصني فيك ** فيك الجمال وصادق الحب فيني
وقفت وتبسمت .. وارتاح خاطرها .. وهو تنهد قال هاه طاح الحطب ؟
قالت آه ياااااني لو كنت أقدر أخليك....
وعاشوا في سبات وثبات وخلفوا حواشي ونياق...
منقول للفائده و العبره>>>>>خخخخخخخخخخخخخ
ولكم ودي...
