الاثنين، 16 أبريل 2012

قصه حب ما تمت !!!


قالوا لها : ولد عمتك امينه
جاي ويبي يكمل نصف دينه ..
أيش رايك يافتون . . ؟
ابتسمت وقالت : اللي تشوفون ..
اركضت صوب غرفتها
بعثرت من الفرح كل اغراضها
وطلعت دبدوب لونه رمادي
قبلته ولصدرها ضمته
وقالت : انته أول هدية كانت في عيد ميلادي !!
كانت من حبيبي
نامت وهي تهمس حبيبي حبيبي حبيبي حبيبي !!
ماصحت الا على طقة الباب
امها تقول : بسرعه البسي ترى جونا الأحباب ..
لبست أحلى الثياب
صارت أحلى عروس
بيديها كاسة عصير 
قلبها يسابق أقدامها
تبي تشوف فارس احلامها ..
لكن. . !!
صار اللي ما توقعت انه يصير ؟!
شافت ولد عمتها سعد
رمت كوب العصير
وارتمت فوق السرير
قبل تسألها امها : وش اللي صار ؟؟
اصرخت وقالت : ماأبيييييه !!
تجمعوا عليها من كل صوب
أبوها أمها أخوها
قالوا : غصب عليك بتاخذييييه !!
مرت بسرعه الأيام
وصار الزفاف في نفس هذا العام
تسريحه أي كلام
مكياجها باهت من كثر الدموع ..
عطرها مو مهم حي الله أي نوع
خطواتها يم الكوشه ثقيله
آهاتها داخل صدرها طويله ؟!
تمنت الموت ألف مره
على ان تعيش في حضنه لو مره !!
سعد يمشي وماسك يدها بيده
يناظر حوله ويشوف مافي أحد قده ..
قضت ليلة
أقصد ليلة قضت عليها
ليلة كل شي موحش
أجمعت بصدرها كل ونة مفارق تجمعت !!
اليوم الثاني موعد سفرها
سعد مع اخوه ينتظرها
وصلهم لباب الطايره
وعيونه من البكى حايره
طبطب سعد على كتف أخوه
وقال : لاتبكي كلها أسبوع وراجعين
انا وقرة العين
قال اخوه قول : إنـ شاءالله ...
وصلوا الفندق
اللي في صار في عيونها خندق !!
مع انه خمس نجوم ..~
أخر الليل فرش سجادته على شط البحر
قال : اجلسي ياقمر
اجلست جلسة طفش
تمنت انها فوق النعش
سعد فرض نفسه
استلقى على ظهره ونام على حجرها
يناظر في السحاب..’
ويقول احلى شي بالدنيا جمعت الأحباب
يالله الجو روعه والبحر هادي ..
فتون ماهي معاه . . ؟
جالسه تداعب دبدوبها الرمادي
وقتها نزلت دمعه على جبين سعد
قام وجلس قال : خساره يافتون شكلها بتمطر !! 
راح لسيارته مسرع 
وخايف ان المطر أسرع
قالها : عيوني هاتي السجاده وبسرعه تعالي ..
سعد في سيارته 
مشغل الراديو ويسمع :
ألـآ يامطوله صبري أذوق الهم من كاسه
انا ياكم قسى دهري علي وكم قسو ناسه
. .
ضحك بسخريه ونزل ينادي على حبه فتون ..
سجادته في مكانها
فتون مالها أثر .. !
وعلى ضوء القمر
في وسط البحر
لـآحظ شي يـطـفـو !!
جن جنونه وصار ينادي بصياح
ماهو معقول كل شي راح
فتون ماتت !!
مالقـوا الا دبـدوبـها
اللي شايل وردة
منقوش عليها************

الجمعة، 13 أبريل 2012

كيف تصير شيخ قبيله ؟؟ علي بن لبدان

كيف تصبح شيخ لقبيله

كان يا ما كان كان هناك شخص يدعى علي بن لبدان

المهم علي بن لبدان هذا كان كل امنياته في الحياه انه يصير شيخ قبيله

لكن ما فيه مقومات وما احد بيعطيه مجال لان الشياخه لها ناس واخرهم علي بن لبدان

بعد ما يأس من الشياخه في قبيلته قال يا ولد انا بافصل لي جنبيه زي حقت الشيوخ واكتب عليها

الشيخ علي بن لبدان

المشكله ما فيه دراهم قام باع الغنم كلها علشان يفصل الجنبيه(الحلم)

فصل الجنبيه وكتب عليها:

الشيخ علي بن لبدان قاتل ميه ومعتق ميه

علشان الشياخه تكون على اصولها

المهم طق في الارض بعد ما باع كل شي علشان هذي الجنبيه

هائم على وجهه لا فرس ولا حتى حمار ولا قليل ولا كثير

ومشى وابعد عن ديرته بعيييييييييييد

المهم من كثر التعب جلس تحت شجره ونام
خ
خ
خ
خ
خ
وهو نايم الا ويشوفونه مجموعه رجال جوا قربوا منه وبدون ما يحس

طالعوا فيه طالعوا في الجنبيه:

الشيخ علي بن لبدان قاتل ميه ومعتق ميه

الله يكفينا شره هذا ماهو بسيط هذا مطلوبنا هذا اللي بيحل مشاكلنا

المهم صحوه برفق ولين شيخ وقاتل ميه يعني العفاشه ما تنفع معه

المهم قام الشيخ علي خير وش فيه
(من الخوف طبعا)

هم :
لالا ابدا بس قلنا تتفضل عندنا هنا يا شيخ علي
هو:
هاااه الشيخ علي طيب طيب
(اول مره يسمعها في حياته)

هم :
تفضل تفضل

المهم راح معهم قهووه وغدوه وريح وقيل عندهم
وقالوا له روس القبيله عازمينك الليله على العشاء

وطلبناك ان تقول تم
قال:
تم تم

المهم اجتمعوا وتشاوروا قبل ما يجي الشيخ المزعوم

ويوم جا وتعشى واللي عليه بالخير
قالوا له العلم سلامتك
حن قبيله ضعوف ما عندنا فارس ولا عندنا شيخ
وقطاع الطرق ذبحونا ما يمر يومين الا وهم
داخلين عندنا ياخذون اللي يبغون من حلا لنا
وحن لا حيله ولا بصيره
لمعت عيون الشيخ علي من الفرح
قالوا له اسمع حن بنحطك شيخ لنا كلنا طبعا الشيخ علي على طول قال انا موافق
(حلمه القديم)

قالوا بس فيه شروط

الشيخ علي يتمتم :انا لله وش شروطه؟
طيب وش شروطكم

قالوا فيه ثلاثه اختبارات ان نجحت فيها تاخذ الشياخه
وان ما نجحت فما لك عندنا الا ضيافه ثلاثه ايام
الشرط الاول :
اختبار الفروسيه والقتال

الشرط الثاني :
اختبار الشجاعه

الشرط الثالث :
اختبار الذكاء

المهم فكر الشيخ علي شوي وهو عارف ان ما فيه ولا شرط ينطبق عليه

قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي

قال لهم انا موافق

قالوا اختبار الفروسيه بكره جهز نفسك
جاء اليوم الثاني

قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا

قال طيب بس ابغى فرس متعوده على الكر والفر قالوا جاهزه والسلاح جاهز

طبعا الرجال عمره ما ركب خيل

قال ابغاكم تربطوني على الفرس ربطه ما تنفك
ركب الفرس وربطوه ربطة الشر اخذ سلاحه
قال:
وينهم قال في الجهه الشماليه قال طيب وراح يوم ابعد وهو يفرك جهه الجنوب

ومشى الا والله ان قطاع الطرق قدامه

ويوم تشوفهم الفرس وتقول بسم الله
وعليهم والشيخ علي يحاول ينزل يمين شمال يحاول يوقف الفرس

ما فيه فايده رايحه لهم رايحه وهو مربوط ربطه شينه
وهو يطالع الا شجره قدامه

ويوم وصل جنبها وهو يتمسك بها مضبوط لكن الربطه كانت اقوى

وهو يقتلع غصن كبيييييير

ويوم شافوه قطاع الطرق وبيده الغصن الكبير هذا وطريقته في اقتلاع الغصن

خافوا منه وسلوموا واستسلموا قالوا هذا الداهيه عزا الله بيذبحنا كلنا

اللي قلع ذاك الغصن وراعي هذا الهجوم الخاطف ما لنا الا نستسلم

يوم شافهم الشيخ علي مستسلمين
قال :
يالله يا كلاب واحد منكم يربط البقيه والا والله لاذبحكم ذبح الشاه
المهم ربطهم كلهم وسحبهم

وراح للقبيله وهم قدامه مربوطين زي الغنم

ويوم شافوا القبيله قطاع الطرق مربطين
قالوا :
عزا الله شيخ ولد شيخ

ويفكون الرباط اللي مربوط فيه على الفرس ويهنونه ويكرمونه
ويريح الشيخ علي
وهو يقول:
في نفسه راحت الفرس ورحت انا فيها

جا اختبار الشجاعه

قالوا له :
فيه اسد دايم ياكل حلالنا ونبغاك تقتله

قال:
هااااااه اسد عدلوا بدلوا
قالوا :
اسد

قال :
طيب اتركوني عليه بس ابغى فرس
بس غير الفرس هذي
ما تنفع له يبغى وحده حبيبه
( ما هي حقت مشاكل )

قالوا :
طب وتخير يا شيخ علي
المهم لقي وحده هناك شكلها ضعيفه مالها في المشاكل
قال :
هذي
قالوا:
يا شيخ علي هذي تعبانه ما هي حقت كر وفر وانت بتقابل اسد

قال :
انتوا تعلموني الكر والفر وبعدين من هو اللي بيقابل الاسد انا والا انتوا

قالوا :
خلاص يا شيخ علي انت ادرى
المهم اخذ الفرس التعبانه ويوم يبغون يربطونه قال :
لالالا
(خايف من الورطه القديمه)

كل معركه ولها طريقه

اخذ الفرس الحبيبه هذي وتوكل

قال لهم :
من وين الاسد هذا اللي يطلع لكم

قالوا :
من الشرق
قال :
طيب خلاص ازهلوه

ويوم ابعد وهو يروح غرب مشى
وهو يقول:
قالوا اسد مجنون انا؟
ومبسوط من الفرس تمشي على اقل من مهلها

مشى الرجال الى ان تعب وهو يشوف ذاك الشجره الكبيره
قال:
اريح هنا

المهم ربط الفرس وطلع هوه فوق الشجره ونام

شويه الا والاسد محضر
الله لا يوريكم الشجره هذي بالذات محل ما يتكي الاسد
أما الفرس من يوم ما شمت ريحة الاسد
وهي تحط رجولها وتعود لاهلها

والشيخ علي نايم في سابع نومه
نام الاسد
والشيخ علي ينقلب ويطيح على ظهر الاسد

وينفر الاسد
لكن الشيخ علي من كثر الخوف تمسك مضبوط
لانه عارف انه لوطاح انه بيروح فيها

ويحاول الاسد يطيحه يحاول
لكن الرجال متمسك مسكه خواف يعني متسمر فيه
ويحاول الاسد يطيحه يمين شمال
ما فيه فايده الرجال مسمر
ولا هو ناوي يفكه

المهم وبينما الصراع
(صراع من اجل البقاء)
قائم بين الشيخ علي والاسد
القبيله هناك بعد ما رجعت الفرس
عرفوا ان الشيخ علي تعرض لمكروه

وهم ينفرون كلهم ويلحقونه
ويجون الا والله الشيخ علي متمسك بظهر الاسد
والا سد يحاول
يطيحه
ويجي واحد من القبيله ويقتل الاسد
ويطيح الاسد ويموت
والشيخ علي متسمر فيه
ويجون عنده الا وهو زعلان مررررررررره
قالوا الحمد لله على السلامه يا شيخ علي
قال :
الله لا يسلمكم

قالوا:
ليش

قال:
من اللي قتل الاسد

قام واحد وقال:
انا

قال:
الله لا يوفقك
قالوا لييييش
؟؟؟؟؟؟؟؟؟؟؟؟؟؟؟

قال:
انا كنت قاعد اروضه ابغاه ركوبه لي وتجي تقتله حسبي الله عليكم
المهم اعتذروا منه وتسامحوا منه
والرجال يسامحهم وياخذونه
ويرجعون على القبيله ويعشونه ويحتفلون به
الفارس العظيم مروض الاسود
المهم هو يفكر يقول :
راحت علي الفرس لانه عارف انه ما بينجح في اختبار الذكاء

لان ما فيه مجال للحظ في هذا الاختبار


جاء موعد الاختبار النهائي
اختبار الذكاء


المهم جابوا تنكه
وحطوا نصها عسل
والنص الثاني الله يكرمكم
( بعر حق العنم )

وغطوها وقالوا :
يالله يا شيخ علي تقدر تقول لنا التنكه هذيك وش فيها

المهم الرجال قعد يفكر في وضعه لانه عارف انه ما راح يعرف

يفكر كيف الكرم اللي كان فيه والامجاد اللي عاشها اليومين
اللي راحت مع هذا القبيله اللي نادوه باغلى اسم عنده
وهو الشيخ علي


فكر فكر وكيف بيكون وضعه بعد ما يروح من عندهم

وهو يتكلم مع نفسه

وهو يتزفر زفرات من قلبه
وبدون ما يحس طلع من لسانه
جزء من الشي اللي يفكر فيه

قال :
( اللي اوله عسل اخره بعر )

كلهم صاحوا :
صح صح جبتها يا شيخ علي
وهم يحتفلون به
وهو ما يدري وش السالفه
الا بعد ما فتحوا التنكه
واخيرا تحقق حلم الشيخ علي
واصبح شيخ قبيله

يقوووووول من عدى على رااس عالي


اقدم لكم قصيدة للامير الشاعر محمد بن احمد السديري رحمة الله تعالى

يقول من عدى على راس عالي
رجم طويل يدهله كل قرناس
في راس مرجوم عسير المنالى
يشتاق له مندك بالقلب هوجاس
قعدت في راسه وحيد لحالى
والقلب في لجات الافكار غطاس
وقعدت اعد ابامها والليالى
دنيا تقلب ما عرفنا لها قياس
دنيا تفرق بين غالى وغالى
لو شفت منها ربح يرجع للافلاس
يا ما هفا به من رجال مدالى
ما كنهم ركبوا على قب الافراس
ولا رددوا صم الرمك للتوالى
ولا ثار عج الخيل في كل مرواس
ولا قلطوهن للكمين الموالى
ولا صار فوق ظهورهن شلع الانفاس
في حومة الهيجا لهن اجتوالى
كل يبى من زاية الفعل نوماس
من بينهم عود الجنا والسلالى
مثل البروق الليل الادماس
يقطعك دنيا ما لها أول وتالى
لو اضحكت تبكى وتوريك الاتعاس
يا ابجاد شب النار وادنى الدلالى
واكسر لنا يا ابجاد ما يقعد الراس
فنجال يغدي ما تصور ببالى
وروابع تضرب بها اخماس وأسداس
لعل قصر ما يجيبه اظلالى
ينهد من عالى مبانيه للساس
لى صار ما هو مدهل للرجالى
وملجأ لمن هو يشكى الظيم والباس
بحسناك ما منشى حقوق الخيالى
يا خالق اجناس ومفنى اجناس
تجعل مقره دارس العهد بالى
صحصاح دو خالى ما به أو ناس
لا خاب ظنك بالرفيق الموالى
مالك مشاريه على باقي الناس
وإن ناشنى من بعض الادنين صالى
مانى عن الزلات مخبر وبلاس
كالعنبر الغالى بالأسواق غالى
ولا درهم الفضية على صفر ونحاس
اجزية بالصده جنوب وشمالى
واتلى هوى قلبى اليا هب نسناس
المستريح اللى من العقل خالى
ما هو ولجات الهواجيس غطاس
ما هو بمثلى مشكلاته اجلالى
عجزت اسجلهن بحبر وقرطاس
حملى ثقيل وشلت حملى لحالى
ونصبر على ضيم الليالى والاتعاس
برسي كما ترسي عوالى الجبالى
ما ينهزع حيد عليه القدم داس
متى تربع دارنا والمفالى
تخضر افياضه عقب ما هي بيباس
ونشوف فيه الديدحان متوالى
مثل الرعاف بخصر مدقوق الالعاس
ينثر على البيداء سواة الزوالي
يشرق حماره شرقة الصبغ بالكاس

الثلاثاء، 10 أبريل 2012

عشق الزوايا

بين الصحاري والضما إحساس ليتك تفهمه..

بين السحابه والسما دمعه تبعثر همها..
بين الشواطي والبحر شوق عجزنا نفهمه،،

بين الليالي والسهر حسره جرعنا سمها..
بين الدروب الموحشة  صرخه صداها تكتمه

من يرسم الخطوة رجا بين الجهات المضلمه؟؟
من يروي النبته "غلا" مهما زمنها ذمها؟؟

من ياترى يصبر على جور الحياة المعتمه؟؟
لهفه تموووت وتندثر فرحة زمن ما تمها ..

ضيقة معاني تمتطي ذاك الشعور وتلجمه ..
ياذا <البعيييد> تفداك روحي "ضمها" ..

جيتك مع الموجه عسى أسرق من عيونك سمه.. نظره يتيمه عابره كل الحناااان يعمها ..

جيتك وله .. جيتك وفا عمري وجودك يقسمه..
إنت الرموز الباقية واللي مضى ماهمها..

خذ مابقى من حلمي الشارد بعيد وترجمه..
غربة غلا وقلوبنا لون العطا في دمها ..

جيتك خواطر هايمه جيتك قصايد مبهمه ..
ياهاجسي مد النظر صوب النجوم (وسمها)

ياما تحريت القمر ياخذ من الليل اسهمه !!

عشق




عشق الزوايا




عشق الزوايا والبحر




عشق الزوايا والبحر بعثر



عشق الزوايا والبحر بعثر حروفي



عشق الزوايا والبحر بعثر حروفي لمها


إما وصل والا جفا شي عسى مانعدمه ..

صمت وعنا،، عزلة مشاعر غارقة في يمها..

الجمعة، 10 فبراير 2012

ليه المساء في طلّتك يبهج الروح؟



ليه المساء في طلّتك يبهج الروح؟









وكنك تزيده فوق ضو القمر ضَي






وليه أنت وحدك همستك تبري جروح؟


وكنك لها بلسم ولي الزاد والمَي


وليه إن حكيت بجد وإلا حكي مزوح؟
كن الحروف إستحرمت مسلك الغَي


ودي أجاري منطقك واطلق البوح
لكن شبيهك في البشر ما بعد حَي


كل القصيد اللي أحاسيسه تفوح


يحلف أحاسيسك معه مالها زَي


يانبض قلبي كيف حالي لو تروح


البُعد شمسه حارقه وشوفتك فَي
يبقى فراقك جرح في الجوف مفتوح


ما ينفعه طِب المداوي ولا الكَي


خلك هنا ولي معك حلم وطموح


أمسك يدينك وتهتني بممسك إيدَي


نبني من أشواقي مع أشواقك صروح


ونِرقى على هآم المشاعر بها رقَي


خل الغرام وخافي العشق مفضوح


وإروي ضُما صدري | بضمة غلآ | رَي


لا يكفيني من انتي


أبدا ما يكفي من أنت
هل يمكن أن تعطيني قبلة،
من شأنها أن همسة في الصميم؛
حتى الآن أنا لا يمكن استرضائه
إذا ما قدمتموه لي أكثر من اثني عشر.
هل يمكن أن إحتجزني قريب
لتدفئة هذا قلب أحمر
حتى الآن كنت وجدت أن بلدي
والرغبة في عدم لاذوا بالفرار.
هل يمكن أن تزورني ليلا
ويرجى لي مع لمسة.
يأتي بعد الفجر،
كنت أريد منك بقدر.
قد تتمكن من محاولة شيء قديم،
أو شيء من هذا جديدة ومحسنة،
حتى الآن لي الجوع لك
لا يمكن أبدا أن تتم إزالة.
هل يمكن أن يقبلني، عقد لي،
وتعهد الحب الحقيقي الخاص بك حتى،
ولكن بغض النظر عما تفعله،
أنا لن تحصل على ما يكفي من أنت.